Cymru 1965

Llyn wyt-
llain o ddwr llonydd;
merddwr heb rinwedd bedydd.
Ac yn lleithder dy wely du
ysgerbydau gwyrddion
arwyr "y glendid a fu."

Corff wyt -
gwythien o waed glastwr
a pharlys henwr
yn fferu'r cnawd.
Corff llibin ar elor yr oesau
yn aros cnul cloch
ei Arthur dlawd.
Ei rawd -
swyngysgu a huno.

A'r llyn?
Lliw rhwd yw Iliw ei ddyfroedd.
A'r corff?
Gwyn ydyw lliw y gwaed.

"Bro marwolaeth" ydwyt;
byd o ysbrydion byw -
cynelweid yr ail esgor;

Bru y dadeni wyt.