Salm y Gardnyr Diwyd
Gad i mi dyfu maip, O Dduw,
heb brotest yn yr ardd:
eu tyfu'n rhes ddi-wyro
mewn pridd (heb faeddu dwylo)
a'u gweld yn felyn-chwyddo
yng nghanol chwyn.
Gad i mi fewri'r maip, O Dduw,
yn botes - llyfn fel llymru:
eu berwi'n shitrws rhywiog,
yn gawliog, ddi-lygeidiog,
a'u blasu'n ddi-eneiniog
heb fwrw sen.
Rho i mi gwsg-y-maip, O Dduw,
yn felys a di-euog:
a'r boliad con-fen-siadol
yn gyfan-soddi-adol
dan reol ffisig gwladol
gwladwriaeth les.